Lihen në burg katër personat e akuzuar dhe të arrestuar për vrasjen e 66-vjeçarit Behar Sofia. Gjykata ka vendosur burg për autorin e dyshuar të vrasjes Behar Sofia, Enejt Shytin, për organizatorin Skënder Vathi dhe dy të dyshuarit e tjerë Leonard Xhixha dhe Xhuliano Visha.
Ernejt Shyti u përball me gjykatësen i pari. Ai nuk ka folur në seancën e sotme dhe ka deklaruar se do të japë shpjegime të detajuara në një moment të dytë. Në përfundim gjykata ka vendosur ‘burg pa afat” me akuzën “vrasje me paramendim e kryer në bashkëpunim”.
Xhixha dhe Visha kanë mohuar të kenë lidhje me ngjarjen e rëndë dhe kanë kërkuar një masë më të lehtë sigurie por gjyqtarja ka vendosur t’i lërë në burg.
Vishaj tha se nuk ka pasur njohje me Shytin e nuk ka lidhje me vrasjen e Sofias.
“Nuk e njoh fare Enejt Shytin, nuk kam lidhje me vrasjen e Behar Sofias,”- thotë Visha.
Të njëjtin qëndrim ka mbajtur edhe Skënder Vathi, i cili akuzohet se ka qenë organizator në këtë krim dhe ka premtuar 50 mijë euro për vrasjen e biznesmenit.
g.kosovari
