Vera nënkupton më shumë argëtim me miqtë dhe më shumë kohë jashtë – dhe për shumicën, kjo është pjesa më e mirë e vitit.
Nëse jeni student, ndoshta provimet i keni përfunduar. Dhe nëse jeni në punë, ndoshta është koha që ta merrni pushimin, për të ikur pak këtë sezonë.
Përderisa të gjithë kemi shije dhe mundësi të ndryshme, koha kur kemi lindur ndikon shumë në atë se çfarë dëshirojmë dhe çfarë jemi, transmeton Gazeta Express.
Kështu, sipas shenjave të horoskopit më poshtë, këtë verë ju duhet ta kaloni kështu:
Binjakët – Është koha që të niseni për një udhëtim rrugor. Paketoni gjërat dhe mos harroni ushqimin, pasi ju ndjeheni të uritur mjaft shpejtë.
Gaforrja – Ju jeni artistik dhe imagjinativ. Vera është koha më e mirë për t’i aplikuar idetë që i keni ruajtur. Bëjeni sa më shpejtë!
Luani – Zemra e luanit është përplot kreativitet, pasion dhe humor të mirë. Bëni diçka që ju mundëson ta lironi ‘fëmijën tuaj të brendshëm’, duke u aktivizuar në shumë gjëra si fëmijë. Shkoni në festivale dhe koncerte dhe kënaquni!
Virgjëresha – Jeni lodhur duke punuar gjatë gjithë këtyre muajve, apo jo? Ju keni më shumë gjasa që të kaloni më shumë kohë në punë sesa diku tjetër. Pasi keni më shumë gjasa që edhe të jeni më i turpshëm, vendi ku nuk keni nevojë të flisni është kopshti zoologjik. Vizitojeni një të tillë!
Peshorja – Jeni i shoqëruar por i pavendosur. Njëjtë si Binjakët, ju jeni më mirë kur përfshiheni në aktivitete të ndryshme. Juve ju pëlqen mjedisi i jashtëm dhe kënaqeni duke qenë të rrethuar me miq, kështu pse të mos shkoni në ndonjë liqen për të notuar, një shëtitje me varkë në ndonjë det ose për peshk?
Akrepi – Ju keni një shpirt të guximshëm. E gjitha çfarë duhet të bëni këtë verë është që ta sfidoni veten me një ngjitje në mal, duke e përfunduar me një kamping. Mos e harro sprejin kundër insekteve!
Shigjetari – Dashuria juaj për udhëtime dhe liri do të thotë se ju keni nevojë t’i hipni avionit dhe të filloni udhëtimet. Jeni tip që i pëlqen historia, kështu që pse mos t’i vizitoni ca vende historike?
Bricjapi – Më të dashurit tuaj dhe tradita janë prioritetet kryesore për ju. Kështu që është koha që të planifikoni një ribashkim familjar. A ju kanë ardhur familjarët nga shtetet e jashtme?
Ujori – Keni shpirt humani, jetoni për t’i ndihmuar të tjerët dhe për të qenë i mirë. Kalojeni këtë verë duke bërë punë vullnetare!
Peshqit – Juve ju pëlqen që të kaloni kohë vetëm, dhe nuk ka asgjë të keqe me këtë. Ju jeni artistik dhe e pëlqeni muzikën më shumë se çdo gjë, kështu që kapeni ndonjë instrument këtë verë dhe bëni muzikë!
Demi – Jeni një kopshtar dhe kuzhinier ekspert. Kombinoni këto të dyja dhe përgatitni ndonjë ushqim të mirë me gjërat që jeni duke i rritur në kopsht.
Dashi – Juve ju pëlqejnë sfidat fizike. Ju keni nevojë të vraponi, të kërceni dhe të luani. Me tendencën për të qenë udhëheqës, ju mund të jeni kapiten i ndonjë ekipi. Luani më shumë sporte këtë verë!
