Presidenti i Parlamentit Evropian, Martin Schulz, në një intervistë për “Allgemeine Zeitung” ka pranuar faktin se Bashkimi Evropian mund të dështoj si konstruksion politik, transmeton zeri.info.
Ai ka thënë se asnjëherë nuk e kishte menduar se Evropa do të mund të vinte në një situatë të tillë. Sipas tij largimi i Britanisë së Madhe ka rritur frikën në disa vende të BE-së.
Megjithatë ai ka bërë thirrje për kujdes dhe veprim të mirë planifikuar në mënyrë që të shpëtojnë BE pasi që sipas tij kjo është arritja më e madhe e kontinentit të vjetër, shkruan zeri.info
“Kur jam zgjedhur para 22 viteve në Parlamentin Evropian si deputet, asnjëherë nuk kam imagjinuar do të vinim në këtë situatë. Po, Bashkimi Evropian mund të dështoj. Nëse ne nuk jemi të kujdesshëm, BE mund të shpërbëhet.
Ideja që BE mund të dështoj megjithatë ka hequr panikun te disa vende. Ata thonë. Ne edhe ashtu të larguar jemi, nëse BE dështon.
Sidoqoftë kjo është dramatike. Integrimi Evropian nuk është i përsosur. Ndonjëherë nuk është i praktikueshëm.
Mirëpo në princip është i drejtë dhe një nga arritjet më të mëdha që kemi arritur ne si kontinent”, ka thënë Schulz, përgatiti “Zëri”. (b.an)
