Patatet savoiarda janë një ide shumë e mirë si shoqëruese e mishit, apo si pjatë mesore. Është një pjatë e shëndetshme, shumë e përshtatshme për fëmijët dhe që kërkon një impenjim minimal.
Përbërësit:
- 1 kg patate 200 gr djath emental/djath tjetër që shkrin
- 150 gr gjalp
- 1 gotë qumësht
- Kripë
Pergatitja: I presim patatet në rrathë me një gisht trrashësi dhe i vendosim të ziejnë për 10 min në ujë të valuar ku shtojmë edhe kripë. Pasi kanë kaluar 10 min, i kullojmë patatet. Lyejmë tavën me gjalp dhe shtrrojmë patatet, mundësisht në një shtrresë. Pas kësaj shtojmë qumështin dhe djathin e prerë në kubik. Shtojmë edhe pjesën thjetër të gjalpit të copëtuar . E vendosim tavën në furrë me temperaturë 180 gradë dhe e lëmë të piqet për rreth 30 min. Më pas i vendosim patatet në një pjatë mesore, ose në pjata personale.
