Nese shtrohet pyetja se cili eshte vendi me i korruptuar ne bote, pergjigjia e pare qe jepet bazohet ne nivelin e korrupsionit te perceptuar. Zakonisht mendohet per vendet amerikano-latine, ato afrikane, apo edhe ballkanase. Por vendi me i korruptuar eshte Anglia. Nuk behet fjale per nje korrupsion qe ka te beje me administratoret publike, policet, apo kryetaret e bashkive, por per nje lloj korrupsioni qe ushqen sistemin ekonomik te Anglise. Dhe ne te gjithe kete, qeveria dhe qytetaret britanike nuk e kane kuptuar emergjencen qe po kalon vendi.
Keto vleresime jane dhene nga gazetari i njohur Roberto Saviano ne Parlamentin britanik, i thirrur nga deputeti laburist David Lammy pikerisht per te ekspozuar situaten.
Sipas gazetarit italian, “ne Mbreterine e Bashkuar llogaritet te pastrohen 57 miliarde sterlina ne vit”. “Bursa City e Londres, por edhe Wall Street, jane lavatriçet me te medha te parave qe rrjedhin nga trafiku i droges”, ka thene Saviano, duke cituar studime te institucioneve si National Crime Agency, apo Transcrime.
Per shkak te sherbimeve qe ofron, Londra eshte nje sistem financiar nderkombetar ku kryhen transaksione nga e gjithe bota, me vlere miliarda sterlina ne vit. Por njekohesisht, kryeqyteti anglez ndodhet ne qender te sistemit me te rendesishem “offshore” ne bote.
Shume kapitale nderkombetare qe kalojne permes parajsave fiskale si ishujt Kajman, apo te tjera, kanalizohen me pas ne bankat e Londres dhe konsiderohen te pastra, pavaresisht se me pare kane qene para te pista qe kane ardhur nga trafiku i droges.
Ne vijim te raportimit te tij, Saviano ka vene ne dukje se, mafiet tradicionale italiane, por edhe ato ruse e te tjera qe nuk kane problem si te bejne para por se si t’i pastrojne ato, kane depertuar ne sistemin financiar britanik ne heshtje. “Nuk ka kufoma ne rruge, apo masakra. Ne Meksike apo Itali, mes kufomave, gjakut dhe konfiskimeve te droges nuk mund te mos mendosh se mafia ekziston. Edhe ne Londer ekziston, por eshte e heshtur, vepron nen hije. Nuk ka aromen e gjakut, por ate te sigurimit te parave”, ka thene gazetari i njohur.
Rendesine e situates duket se e ka kuptuar shtypi britanik. Nje shkrim investigativ i “The Guardian” per grataçelen rezidenciale me te larte te Londres, St George Wharf Tower, tregon se shumica e apartamenteve zoterohen nga te huaj dhe qendrojne te boshatisur shumicen e kohes, nderkohe qe shumica e anglezeve nuk arrijne te gjejne shtepi me qera te pranueshme.
eshte nje ndertese qe ofron te gjitha sherbimet, por qe nuk perdoret per t’u banuar dhe sherben me teper si nje kasaforte prej çementoje per te ruajtur parate e investuara. a.k
