Saul Niguez ka kritikuar bashkëlojtarin e tij, Antoine Griezmann për komentet se Atletico Madridi sivjet mund të luftojë për mbijetesë.
Sulmuesi francez ka folur për formën e dobët të Atleticos pas barazimit pa gola me ekipin e promovuar në La Liga, Leganes.
Ky ishte barazimi i dytë në dy ndeshjet e para. Me këto barazime Atletico ka zënë një vend në fundin e tabelës.
Mesfushori spanjoll ka thënë se 24-vjeçari është dashur të dijë se çfarë të flasë para medieve.
“Griezmann ka nevojë të mendojë për ato që thotë”, ka thënë Saul. “Ai ose duhet ose nuk do të kërkojë falje, por duhet të mendojë ndryshe”.
“Ju duhet të dini se çfarë përfaqësoni dhe çfarë përfaqëson klubi juaj. Nuk mund ta kaloni këtë vijë. Është e vërtetë që pas ndeshjes jeni i lodhur dhe i zhgënjyer, por ju nuk mund të komentoni ashtu për gjendjen e klubit”, citon Express. (b.an)
