Autoritetet italiane kanë sekuestruar një sasi rekord kanabisi të kapur njëherësh. Bëhet fjalë për sekuestrimin e 8 tonëve kanabis e cila vinte nga Shqipëria. Droga u kap pas një operacioni të Guardia di Finanzzia të Ankonës dhe poliicsë së Venecias.
Lënda narkotike kishte mbërritur me traget nga Shqipëria në portin e Ankonës sipas “Venezia Today”. Por, kamioni ku ndodhej droga u lejua të dilte nga porti edhe pse kishte informacion për drogën, pasi synohej kapja e personave të tjerë të përfshirë në trafik.
Lajmi u kalua pa bujë nga policia vendase, pasi synimi i poliicsë ishte të binte në gjurmët e personave të tjerë.
Aktualisht vijojnë hetimet për rrjetin e trafikut ndëkrohë nuk dihet porti shqiptar nga u nis trageti. Policia arrestoi shoferin e kamionit, një 38-vjeçar emri i të cilit nuk bëhet ende me dije./a.m.
