Vetëm një ditë më parë agjenti i Elseid Hysajt njoftoi se i kanë bërë të ditur presidentit De Laurentis vendimin për t’u larguar nga Napoli, ndërsa sot vjen interesimi i parë për mbrojtësin shqiptar.
Është “Zonja e Vjetër” ajo që dëshiron shërbimet e shkodranit Hysaj, një mënyrë kjo për të kënaqur edhe trajnerin Mauricio Sarri, i cili e kishte Hysajn te Empoli dhe e mori po ashtu te Napoli, shkruan “Calciomercato.it”.
Pra kjo do të ishte hera e tretë që mbrojtësi kuqezi do të ishte nën urdhrat e teknikut italian, gjë e cila tregon besimin e madh që ka Sarri te talenti i Hysajt.
Për të veshur bardhezi Hysajn, Juventusi është gati të ofrojë Napolit mbrojtësin italian De Shiljo, të cilin e ka blerë te Milani, si një kërkesë të Alegrit, por tashmë që ky i fundit është larguar ai nuk është shumë i preferuar në Torino.
/e.rr
