Maurizio Sarri është objektivi i Milanit për sezonin e ardhshëm. Milan dëshiron të nisë një epokë të re me trajnerin e Napolit, Maurizio Sarri, të cilin e dëshirojnë në stol nga sezoni i ardhshëm, raporton Tuttosport, transmeton Gazeta Express.
Gennaro Gattuso nuk është zgjedhja më e mirë për stolin e shtatë herë kampionëve të Evropës, që nuk po e nxjerr klubin nga kriza që e ka kapluar pasi zëvendësoi të shkarkuarin, Vincenzo Montella dhe tashmë shihet vetëm si trajner i përkohshëm.
Sarri, që me Napolin e tij është lider i Serie A dhe luan futbollin më të bukur në këtë ligë, ka klauzolë lirimi tetë milionë euro, shifër e përballueshme për Milanin, që besojnë se me të do të fillojnë një epokë e re nga sezoni 2018/19 në krye me italianin.
Tuttosport raporton se Milani do t’i ofrojë pagë vjetore Sarrit 3.5 milionë euro, pothuajse dyfishin nga ajo që fiton aktualisht. (b.an)
