Një sasi prej 75 kilogramë kanabis u sekuestrua nga policia e Sarandës në tentativë për tu trafikuar drejt Greqisë. Lënda narkotike u sekuestrua në kufirin e gjelbërt në 4 çanta të mbushura me kanabis në vendin e quajtur “Lerat e Vlashit”.
Policia kufitare ka konstatuar tre persona që po transportonin disa çanta shpine ku dyshohej se kishin lëndë narkotike.
Sapo kanë parë shërbimet e policisë që u vunë në ndjekje të tyre, autorët kanë braktisur çantat dhe janë larguar me shpejtësi në drejtim të pyllit.
Policia Kufitare në bashkëpunim me Komisariatin e Policisë Sarandë po vijonë krehjen e zonës për të bërë të mundur kapjen e tre personave që transportonin lëndën narkotike.
Policia thotë se vazhdon puna për identifikimin dhe gjetjen e personave të implikuar në këtë trafik të lëndëve narkotike./express
