Tentoi t’i rrëmbejë djalin nga duart së shoqes, arrestohet në flagrancë bashkëshorti dhunues. Policia e Sarandës ka arrestuar në flagrancë shtetasin Dhimitër Xhollo. Edhe pse bashkëshortja e tij ishte e pajisur me urdhër për mbrojtje, 29-vjeçari Xhollo banues në fshatin Dërmisht të Sarandës është arrestuar pasi dje ka shkuar në një lokal pranë vendit të quajtur “Ura e Kranesë”, vend në të cilin gjendej bashkëshortja e tij me fëmijën e tyre.
Xhollo ka shkelur urdhrin e mbrojtjes dhe ka tentuar t’i marrë me forcë djalin nga krahët së shoqes. Në atë moment ka ndërhyrë policia e njoftuar nga persona të rastësishëm duke i vënë prangat bashkëshortit. Materialet iu referuan Prokurorisë për veprën penale “Veprime në kundërshtim me vendimin e Gjykatës” parashikuar nga neni 321 i Kodit Penal.
ma.me
