Policia e Sarandës ka sekuestruar një sasi prej 160 kallëpesh tritol. Sipas uniformave blu, lënda plasëse u konstatua e fshehur në një thes të gjetur në lagjen “Babë Rexhepi”. Në total, bëhet fjalë për 32 kilogram tritol të sekuestruar.
Aktualsiht, Policia po kryen veprimet hetimroe për zbulimin e poseduesve të lëndës plasëse.
Njoftimi i Policisë
Policia sekuestron tritol dhe municione!
– Sekuestrohen 160-kallëpe “Tritoli” me peshë 32 kg (200 gr secila).
– Sekuestrohen 4 arka me 1.200 fishekë të përmasave të ndryshme.
Më datë 03.12.2015, rreth orës 17:00, Shërbimet e Policisë, në bazë të informacioneve të marra në rrugë operative, në një zonë të pa-banuar në lagjen e quajtur “Baba Rexhepi”, kanë bërë të mundur gjetjen dhe konstatimin e një sasie më lëndë plasëse prej 32 kg “Tritol” të fshehur në një thes me thurje, brenda te cilit kishte 160-kallëpe (copë) me peshë 200 gr secila.
Gjithashtu, pranë kësaj lënde plasëse, midis një shkurre në anë të detit, janë gjetur 4 arka “metalike” të cilat ishin të mbushura me fishekë të madhësive dhe dimensioneve të ndryshme, në total përbënin 1.200-copë fishekë (të kalibrit 7.62 mm dhe 12.7 mm).
Policia ka sekuestruar materialet e mësipërme dhe po kryen hetimet në lidhje me identifikimin dhe zbulimin e autorëve.
