Një grua italiane humbi jetën në një aksident rrugor të ndodhur gjatë ditës së sotme në aksin Sarandë-Butrint. Policia njofton se rreth orës 11.00 në fund të Kanalit të Cukës një automjet dhe një motor u përplasën me njëri-tjetrin duke lënë një viktimë.
Në zonën e Hidrovorit, automjeti tip Ford me targa AA 609 UD është përplasur me motoçikletën tip Piaggio me targa AL 429, ku si pasojë ka humbur jetën gruaja italiane 64-vjecare me inicialet M.S.
Ajo ndodhej pasagjere në motorin që drejtohej nga bashkëshorti i saj Italian G.S 65 vjec. Ky I fundit mbeti I plagosur dhe po merr ndihmë mjekësore në Spitalin e Sarandës. Të dy janë me banim në Genova të Italisë dhe ndodheshin në Shqipëri për pushimet verore. Grupi hetimor ndodhet në vendngjarje duke kryer hetimet e mëtejshme në lidhje me sqarimin e rrethanave, thotë policia në një njoftim paraprak për ngjarjen e rëndë.
ma.me
