Pas pothuajse 3 vjetësh hetime Policia e Sarandës ka mundur të zbardhë më në fund vjedhjen misterioze të një të moshuari.
Në vitin 2012, të moshuarit iu vodhën plot 10 mln lekë të vjetra në banesë dhe ai menjëherë e denoncoi ngjarjen. Vjedhja, sipas provave është kryer nga nusja e djalit të të moshuarit.
Kjo e fundit ka rënë në pranga, së bashku me të dashurin e saj nga Berati. Ajo është Lorena Arapi, 24 vjeç dhe, ndërsa i dashuri i saj është identifikuar si Adiol Çifliku 28 vjeç. Sipas hetimeve, Lorena me Adiolin kishin planifikuar së bashku vjedhjen e parave të vjehrrit të saj, Skënder Arapit.
Lorena, nënë e katër fëmijëve, jeton në Lagjen nr. 4 të qytetit të Sarandës, së bashku me bashkëshortin dhe vjehrrin.
