Një banesë 3-katëshe është përfshirë nga flakët në fshatin Piqeras të Sarandës mëngjesin e sotëm.
Banesa ishte në pronësi të shtetasit me iniciale N.Th.,i cili aktualisht banon në Greqi.
Nga hetimi ka rezultuar se në këtë banesë jetonte motra e tij e cila është me probleme mendore, dhe dyshohet se banesa ka marrë flakë si shkak i disa qirinjëve që ishin ndezur brenda në banesë.
Si rezultat janë djegur dy katet e para të banesës.
Është bërë e mundur shuarja e zjarrit dhe fatmirësisht nuk ka të lënduar.