Një aksident me pasojë vdekjen ka ndodhur mesditën e sotme në Sarandë. Dëshmitarë nga vendngjarja bëjnë me dije se një grua ka humbur jetën si pasojë e goditjes nga një automjet.
Ngjarja e rëndë ka ndodhur në Pllakë të Sarandës teksa gruaja po kalonte rrugën.
Dyshohet se shkak ka qenë shpejtësia e lartë e atuomjetit që e ka goditur për vdekje kalimtaren.
Policia ka mbërritur në vendngjarje pas njoftimit nga dëshmitarët e rastit dhe ka nisur hetimet, ndërkohë që pritet shoqërimi i autorit dhe zbulimi i shkaqeve të ngjarjes.
