Një 28-vjeçar, banor i Lazaratit i dënuar me 22 vite burg për “Rrëmbim në bashkëpunim dhe ushtrim të torturës”, ësht ë arrestuar nga Policia e Sarand ës. N ë pranga ka r ën ë Alfons Buzheri, i cili u kap në orët e pasdites së të martës pas një operacioni të koordinuar mes Forcës së Posaçme të Drejtorisë së Policisë së Shtetit me Drejtorinë e Policisë së Qarkut të Gjirokastrës dhe Komisariatin e Sarandës.
Sipas Policisë, Buzheri ishte në listën e personave të kërkuar pas vendimit të Gjykatës së Krimeve të Rënda, ndërkohë që ndaj tij rëndon edhe akuza e “vrasjes së punonjësit të policisë e mbetur në tentativë dhe e kryer në bashkëpunim”, për të cilën Gjykata e Gjirokastrës kishte caktuar masën e sigurisë “arrest me burg”.
Ndaj Buzherit u bë ekzekutimi i vendimeve penale për t’ju vënë në dispozicion të drejtësisë.
