Dy persona janë vënë në pranga nga policia e Vlorës pasi janë kapur me 12 kilogramë lëndë narkotike, të llojit kanabis sativa. Shtetasit Sadik Ogiçi dhe Vasil Nune, të dy të moshës 59 vjeç dhe banues në Sarandë, janë arrestuar në lagjen nr.1 të Sarandës, pasi në banesën e Ogiçit kishin fshehur lëndën narkotike.
Sipas policisë, gjatë një kontrolli të ushtruar në banesën e këtij shtetasi, uniformat blu gjetën lëndën narkotike prej 12.310 kg, e cila ishte e vendosur në një thes plastmasi të zi, gati për t’u shitur.
Vasil Nune, punonte si bari për Sadik Ogiçin dhe bashkëpunonte me këtë të fundit në lidhje me këtë vepër penale.
