Një aksident i rëndë ka ndodhur para pak minutash në aksin Sarandë-Ksamil, pranë vendit të njohur si ‘Hidrovori’.
Si pasojë e aksidentit, një turiste italiane ka humbur jetën, ndërsa burri që që ndohej me të në motor, është në gjendje të rëndë.
Një makinë është përplasur me një motoçikletë, në të cilën udhëtonin dy turistët italianë.
Njoftimi i policisë:
Më datë 24.08.2018, rreth orës 11:00, në aksin rrugor Sarandë – Butrint, në fund të Kanalit të Çukës ka ndodhur një aksident midis një automjeti dhe motori, me pasojë vdekjen e një personi.
Konkretisht në zonën e Hidrovorit, automjeti tip “Ford” me targa AA 609 UD është përplasur me një motoçikletë tip “Piaggio” me targa AL 429, ku si pasojë ka humbur jetën një shtetase italiane (pasagjeria e motorit) dhe është plagosur rëndë drejtuesi i këtij motori, të dy shtetas italian me banim në Genova, Itali.
I dëmtuari ndodhet në Urgjencën e Spitalit të Sarandës. Po punohet për gjeneralitetet e tyre. Grupi hetimor ndodhet në vendngjarje duke kryer hetimet e mëtejshme në lidhje me sqarimin e rrethanave.
Javanews/a.ç
