Një atentat duket se ka dështuar një natë më parë në Shkodër. Armand Babaj, 42-vjeç, objektiv i këtij atentati, kishte vetëm dy muaj që ishte kthyer nga Anglia.
Ai është nga Mjeda, Bashkia Vau i Dejës. 42-vjeçari po udhëtonte me një mjet të tip “Toyota” që kishte marrë me qira në momentin që në drejtim të tij është qëlluar me armë zjarri.
Babaj i ka mbijetuar sulmit dhe plumbat kanë arritur të shkaktojnë vetëm dëme materiale në mjet. Pas ngjarjes, ai ka lajmëruar policinë.
Ende nuk dihet se kush janë autorët e kësaj ngjarjeje apo shkaqet që mund t’i kenë shtyrë për të bërë këtë pritë.
Pritet grumbullimi i pamjeve filmike të kamerave të sigurisë së zonës për të hedhur më shumë dritë mbi autorët e ngjarjes.
/f.s
