Fjalë, etiketime, fraza, shpjegime, dyshime dhe shumë lojëra fjalësh. Por në fund, Rai shpëtoi këngëtarin shqiptar Ermal Meta dhe Fabrizio Moron: dyshja mbeti në garë. Sonte ata do të jentë të shtatët që do të garojnë, megjithatë polemikat nuk janë shuar. Ermalit dhe Fabrizios, pas një dite tensionesh dhe pak heshtje, i është rikthyer buzëqeshja.
Pas polemikave të orëve të fundit kënga e shqiptarit Ermal Meta dhe Fabrizio Moro “Non mi avete fatto niente”, (Nuk më keni bërë asgjë) do të vazhdojë konkurrimin në Sanremo 2018.
Pas vlerësimeve të bëra, Viale Mazzini beson në faktin se pjesa e duetit artistik të Ermal Metës dhe Fabrizio Moro nuk duhet të përjashtohet nga gara e festivalit të Sanremos “pasi ajo përputhet me kërkesat e reja të rregullores”, shkruan ‘Corriere Della Sera’.
Shpjegimi i zyrës ligjore së Rai
Kënga e Ermal Metës dhe Fabrizio Moro “Nuk më keni bërë asgjë” shpjegon zyra ligjore e Rai në një deklaratë për shtyp: “përmban fragmente të këngës ‘Heshtje’ të prezantuar në Sanremo tre vite më parë në më pak se një të tretën e këngës, kështu që fakti se kënga është prezantuar më parë nuk ndikon në risinë e këngës në garë aktualisht. Për më tëpër rezulton se dy këngët kanë kohëzgjatje, tekste dhe melodi të ndryshme. Përfundimi është se ‘të dy këngët, megjithëse paraqesin analogji, nuk janë e njëjta këngë. ‘Nuk më keni bërë asgjë’ është këngë e re dhe do vazhdojë garën”, thuhet në deklaratën e Rai
a.ç
