Presidenti rus Vladimir Putin iu ka kërkuar shteteve të tjera të normalizojnë marrëdhëniet me Rusinë pasi filloi një luftë të paprecedentë me Ukrainën.
Ai shtoi se Rusia do të përmbushë detyrimet e saj ekonomike me vendet e tjera.
Shtetet perëndimore po bllokojnë Rusinë masivisht me sanksione ekonomike, mbylljen e kufijve ajrorë dhe porteve detare.
Në përpjekje për të shpëtuar ekonominë ruse, tregtimi me bursën e Moskës do të qendrojë i mbyllur edhe sot, e premte 4 mars, tha Banka Qendrore ruse.
Në deklaratën me shkrim nga Bursa e Moskës thuhet se transaksionet në tregje nuk do të vazhdojnë as sot për shkak të “situatës aktuale”.
Nga ana tjetër, në deklaratën e Bankës Qendrore të Rusisë thuhet se komisioni që individët duhet të paguajnë për shumën totale të blerjes kur blejnë valutë në bursë është ulur nga 30 për qind në 12 për qind.
g.kosovari
