Ish-ministri i Punëve të Jashtme të Sllovenisë dhe përfaqësuesi special aktual i Bashkimit Evropian në Kosovë, Samuel Zbogar është shefi i ri i delegacionit të BE-së në Republikën e Maqedonisë.
Zbogar nuk do të ketë funksionin e dyfishtë edhe si shef i delegacionit të BE-së dhe përfaqësues special i BE-së në Kosovë edhe ambasador i BE-së në Republikën e Maqedonisë, por do të mbajë vetëm këtë të fundit.
Shefi aktual i delegacionit të BE-së në Maqedoni, Aivo Orav, largohet si ambasador i BE-së në Malin e Zi.
Në Kosovë, Brukseli njoftoi se misionet e Bashkimit Evropian do t’i drejtojë shefja aktuale e delegacionit të BE-së në Libi, bullgarja Natalia Apostolova, ndërkohë që ish-ambasadorja e Greqisë në Maqedoni, Aleksandra Papadhopulu është emëruar shefe e EULEKS-it.
Në karrierën e tij 22-vjeçare si diplomat, Samuel Zbogar, 54 vjeç, ka qenë i përfshirë në të gjitha projektet më të mëdha politike të politikës së jashtme sllovene. (java / r.a)
