Superylli i Barcelonës nuk ka pasur paraqitje të mira në këtë Botëror por tani sipas trajnerit të tij ai do të shkëlqej, sidomos në ndeshjen e fundit.
Lionel Messi përgjigjet atëherë kur Argjentina ka më se shumti nevojë për të dhe këtë do ta bëj të martën kundër Nigerisë.
Kështu ka thënë trajneri i Argjentinës, Jorge Sampaoli, derisa Messi deri me tani ka humbur një penallti kundër Islandës në ndeshjen e parë ku Argjentina barazoi në Grupin D kurse në ndeshjen e dytë u shkaterrua nga Kroacia më rezultat 3-0.
Kjo do të thotë se Argjentina duhet ta mposht Nigerinë – e kanë bërë këtë në katër Botëror më parë – për të pasur shpresa që superylli i Barcelonës të përmbush karrierën e tij duke e fituar trofeun më të madh të futbollit.
“Mendojë që ajo ndeshje ishte e komplikuar për Leon, struktura e ndeshjes nuk e favorizonte atë dhe ai nuk mori topa të shumtë nga mesfusha”, tha Sampaoli në konferencën për shtyp para stadiumit Krestovsky pasi që u informua që ylli i tij i ndeshjes kishte pasur më pak prekje të topit se portieri Willy Caballero.
“Nëse ai e ka topin më pak se zakonisht është sepse Argjentina nuk e dominoi ndeshjen ashtu sikurse bëm kundër Islandës. Ne do të përpiqemi të përmirësohem dhe jemi të sigurt se nuk do të lëmë befasi nesër. Për të mirën e Argjentinës, jam i sigurt që nëse Lionel Messi e prek topin më shumë se në ndeshjen e parë ne do të fitojmë”.
Sampaoli refuzoi të tregojë formacionin e tij në 11 dhe se do të këtë ndryshime të mëdha – përfshirë anësorin e PSG Angel Di Maria dhe sulmuesin e Juvenusit Gonzalo Higuain që do të startojë para Sergio Agueros – që do të jenë ndërrime të pritura.
Një ndryshim pritet të bëhet edhe tek portierët ku do të startojë Franco Armani që do të debutojë në ndeshje ndërkobëtare në vend të Caballeros, i cili bëri gabim të mëdha kundër Kroacisë duke ja dhuruar një gol Ante Rebicit të Kroacisë në Nizhny Novgorod.
Portieri i River Plate Armani ishte afër trajnerit në konferencën për media dhe kishte fjalë të mira ngushëlluesë për portierin e Chelsea dhe ish portierin e Manchester City.
“E ndaj dhomën më Willyn, ne kalojmë kohën bashkë në shpenzime bashkë çdo ditë”, ka thënë ai.“Situata e tillë mund të na ndodh të gjithë neve. E tëra çfarë kam bërë është mbështetja dhe inkurajimi i imë për të. Kam pasur situata të këtilla të njëjta dhe shumë të vështira. Ne që jemi portier e dimë çfarë ndjenjë është”, ka thënë Armani.
“Ai ka treguar gjatë gjithë kësaj kohe se është një person i madh me një zemër të madh. Ai është një profesionist. E ka mbështetjen tim dhe inkurajimin dhe ne duhet ta harrojmë këtë episod”.
Ndryshe, Argjentina nesër takohet me Nigerinë. Argjentinës i duhet me doemos fitorja kurse duhet të shpresojë që Islanda të mos fitojë kundër Kroacisë.
Në rast se Argjentina fiton dhe Islanda barazon apo humbet me Kroacinë, apo Argjentina shënon shumë gola, atëherë ata do ta siguronin biletën si të dytët në grupin D që do të thotë se do të takohen kundër Francës e cila me gjasë do të përfundonte e para në Grupin C, përgatiti ”GazetaExpress”. (b.an)
