Avokati Spartak Ngjela në një intervistë për emisionin ‘Sot Live në Shqipëri’, në Report Tv ka komentuar veprimet e sotme të opozitës. Ngjela tha se ata janë në hall, por që të fitosh duhet të kesh pas vetes shumë njerëz.
‘Nuk kanë asnjë vlerë. Ku marrin dot pushtet ata me 18%. Ata janë në hall! Grupimi i Bashës është me Perëndimin. Sali Berisha nuk është me perëndimin dhe as me shqiptarët. Duhet të kesh numër votuesish që të fitosh.’- tha Ngjela.
Duke u ndalur tek sistemi i drejtësisë, Ngjela tha se SPAK nuk e ka hetuar ende korrupsion madhor.
Sa i takon samitit të Berlinit, Ngjela tha se nuk solli asgjë konkrete për Shqipërinë.
‘U folën gjëra të përgjithshme. Shqipërisë nuk i dhanë asgjë. Unë mendova se do të jepnin lajmin se Shqipëria do të futet në BE. Asgjë konkrete. Fakti që nuk solli gjë sekrete nuk kam simpati për këtë. Shqipërisë nuk i dhanë asgjë.’- tha Ngjela.
/f.s
