Presidenti i SHBA, Donald Trump, ka anuluar një takim të planifikuar me presidentin rus Vladimir Putin, i cili do të të mbahej në Samitin e G20 në Buenos Aires të shtunën.
Anulimi i takimit u njoftua nga vetë shefi i Shtëpisë së Bardhë, Donald Trump. Sipas mediave amerikane, anulimi i këtij takimi të parashikuar për të shtunën në Argjentinë është bërë nga tensioni i ndezur mes Rusisë dhe Ukrainës.
Trump kishte dyshuar më parë nëse takimi do të zhvillohej, ndërsa në një prononcim për “Washington Post” një ditë më parë, shefi i Shtëpisë së Bardhë deklaroi se gjithçka mund të anulohet, duke cituar si shkak tensionet mes anijeve luftarake mes Rusisë dhe Ukrainës.
/b.d
