Angela Merkel, Fransua Holland, shefi i Komisionit Europian Juncker dhe kreu i Bankës Europiane Mario Dragi u ndanë nga njëri-tjetri mbrëmë në mesnatë. Kancelarja gjermane priti zyrtarët e lartë në Berlin, për një takim rreth krizës greke. Fjala është për të gjetur një qëndrim të përbashkët, ndaj skadimit të afateve për borxhin e shtetit helen. Mësohet se pesë drejtuesit e lartë europianë nuk arritën dot në një marrëveshje. Sipas diplomatëve në takim, ka ende dy ose tre pika që mbeten për t’u “rregulluar”, por si Merkel, ashtu dhe Holldan, ranë dakort që të bëhet një presion i fortë mbi negociatorët, në mënyrë që ata të gjejnë një zgjidhje të shpejtë, në marrëveshje me palën greke. Të dielën në darkë, kryeministri grek Cipras foli në telefon me Angel Merkel dhe Fransua Holland për më shumë se një orë. Biseda u cilësua “konstruktive”
Greqia duhet t’i kthejë 1.6 miliard euro FMN në qershor, në katër këste, prej të cilave 500 milion duhet të dorëzohen brenda datës 5 qershor.
