Përmes një deklaratë të jashtëzakonshme për mediat, PD ka hedhur sërish akuza ndaj ministrit të Brendshëm, Fatmir Xhafaj. PD publikoi disa përgjime që sipas tyre faktojnë përfshirjen në trafik droge të Agron Xhafajt, vëllait të ministrit Fatmir Xhafaj.
Ervin Salianji deklaroi se Agron Xhafaj është bos droge dhe drejton një organizatë kriminale në Vlorë, por mbrohet nga ministri.
“Vëllai i Fatmir Xhafajt është ndër krerët e trafikut të drogës në Shqipëri. Ai drejton një organizatë kriminale në Vlorë. Aktiviteti kriminal i tij vazhdoi edhe gjatë kohës që Xhafaj është ministër i brendshëm”, deklaroi Salianji
Ndërsa Enkelejd Alibeaj deklaroi se duke mbrojtur vëllain e tij, Fatmir Xhafaj ka shkelur tre herë ligjin
“Xhafaj shkel 3 herë ligjin për ekstradimin e të vëllait të dënuar për trafik drogë
- Xhafaj nuk njofton autoritetet italiane për vendodhjen e vëllait të tij dhe arrestimin
- Xhafaj si kryetar i komisionit të ligjeve falsifikoi nenin e kodit të procedurës penale
- Xhafaj nuk zbaton ligjin antimafia
Agron Xhafaj vazhdon ende trafikun e drogës”, deklaroi Alibeaj
a.ç
