Nga Spartak Ngjela
Në 45 vjet komunizëm shqiptarët ishin të izoluar, të varfëruar dhe të paushqyer, por të shkolluar.
Në 25 vjet ka ikur gjysma e shqiptarëve nga Shqipëria , është e varfër gjysma tjetër, por e pashkolluar.
Në 45 vjet izolim dhe dënim.
Në 25 vjet grabitje dhe injorancë.
Cilët janë shkaktarët e shkallmimit 25 vjeçar?
Janë këta “të pasur” që nuk pranojnë Reformën në Drejtësi. Dhe janë naive.
Tani të gjithë shqiptarët e kanë të qartë: vjedhësit e tyre “kërkojnë drejtësi të kulluar”. Dhe, a e dini se çfarë quajnë drejtësi të kulluar? Gjyqtarë kukulla që të garantojnë vjedhjet dhe abuzimet. Prokurorë që të mos hetojnë Gërdecin dhe Rrugën e Kombit, të gjitha abuzimet e pasurimit korruptiv në Shqipëri. Por kanë qenë dhe janë naivë. Sepse sot janë fare të pambrojtur. Dhe mendojnë që, me katër ose pesë të pashkolluar të bindin vendin dhe botën për drejtësinë e tyre. Harrova: kanë dhe nja pesë “gazetare” që nuk artikulojnë dot asgjë racionale, se nuk dinë as se ç’është numuri dhe as se ç’ështe fjala. Madje fjalën e dinë “llaf” dhe retorikën “llafazanëri”.
Pse, o Sali ziu, me pse llafazanë dhe katër injorantë qe nuk dine as shqip, do ta mundësh Amerikën dhe progresin shqiptar ti?
Kur deliri vjen nga frika, humbja vjen si pasoje e delirit që i thotë të humburit se “kopeja e dhënve” është ushtri. Nuk e ke ushtri, Sali, e ke kope dhënsh heroikën tënde kundër Amerikës! E kishte ushtri edhe Milisheviçi, edhe Sadam Hyseini, dhe jo kope dhënsh. Po te qeshin të gjithë.
Pse vërtet ata që janë në parlament do votojnë për korrupsionin? Vërtet do të tremben deputetët nga “kopeja me dhën” e Saliut?
Nu ka gjasë. Gjithçka do të shkojë në favor të shqiptarëve. Dhe, mos harroni, kjo është hera e parë në histori!
