Ish-kryeministri Sali Berisha do të përballet edhe njëherë me Gjykatën e Lartë me qëllim heqjen e masës së sigurisë “detyrim për paraqitje”, shkruan A2 CNN.
Kjo gjykatë ka regjistruar rekursin e ish-kryeministrit të marrë të pandehur nga SPAK për “korrupsion”, kundër vendimit të Apelit të Posaçëm të 3 janarit, që caktoi ndaj tij masën e “detyrimit për paraqitje”.
Rekurs në Gjykatën e Lartë ka paraqitur edhe Jamarbër Malltezi, dhëndri i ish-kryeministrit, i cili kërkon të shfuqizojë vendimin e Apelit të Posaçëm, që la të pa ndryshuar masën e sigurisë “arrest në shtëpi” ndaj tij.
