Mohammed Salah konsiderohet si lojtari më i miri i skuadrës së Liverpoolit. Por, kjo nuk do të thotë se do të jetë i privilegjuari i skuadrës së të kuqve. Në fakt, skuadra e ka denoncuar në polici sulmuesin anësor pasi ka shfrytëzuar telefonin teksa ka qenë duke drejtuar veturën.
Kështu së paku shkruan në njoftimin e klubit të Liverpoolit duke thënë se pas bisedimeve me lojtarin, ishin ata që kanë njoftuar policinë duke e vënë në dije të ngjarjes.
“Ne kemi folur edhe me lojtarin dhe do të merremi me çdo ndjekje brenda vendit. As klubi apo lojtari nuk do të bëjnë ndonjë koment të mëtejshëm për këtë çështje”, shkruhej në komunikatë, raporton tg.
Policia e Merseyside ka konfirmuar se “ka qenë në dijeni për një video që besohet se shfaq një futbollist duke përdorur telefon celular gjatë drejtimit të veturës”.
Salah pritet të dënohet me të holla gjersa do ta shohim gjatë fundjavës në ndeshjen e ardhshme të Ligës Premier.
a.ç
