I dyshuari kryesor për atentatet e Parisit, Salah Abdeslam, i arrestuar më 18 mars në Bruksel, refuzoi të bashkëpunojë me hetuesit që prej sulmeve që ndodhën të martën në kryeqytetin belg, njoftoi sot ministri i Drejtësisë, Koen Geens.
“Prokurori federal sapo më njoftoi se Salah Abdeslam nuk kërkon më të flasë që prej sulmeve në Zaventem dhe në metronë e Brukselit”, deklaroi para deputetëve belgë, Geens gjatë një mbledhje të një komisioni parlamentar që i dedikohej terrorizmit.
“Prokurori federal belg, Frederic Van Leeuw, mbështetej tek bashkëpunimi i Abdeslam për të mbledhur bashkë elementet e këtij hetimi ende largë nga përfundimi”, tha ai të hënën.
“Nëse Salah Abdeslam vendos të na japë ndonjë shpjegim, kjo do t’i japë një tjetër zhvillim dosjes dhe do të zbardhë disa çështje ende të errëta, kryesisht për rolin e secilit prej protagonistëve, shpjegoi prokurori gjatë një konference për shtyp të përbashkët me prokurorin e Parisit, François Molins, në Bruksel.
“Tashmë Salah Abdeslam dëshiron të ekstradohet në Francë sa më shpejtë të jetë e mundur”, tha Seven Mary, avokati i tij.
“Ai e ka kuptuar se këtu është vetëm një pjesë e vogël e dosies. Ai kërkon të japë shpjegime në Francë, kjo është diçka e mirë”, shtoi ai.
