Televizioni informativ News24 raporton se ministri i Brendshëm ka marrë në aparatin e tij celular një SMS kërcënuese.
Po sipas këtij burimi, për këtë shkak Saimir Tahiri ka lëvizur disa ditë me makinë të blinduar, ndërsa autor i mësazhit dyshohet të jetë Vladimir Gjuta.
Ministri mësohet të ketë qenë nën shoqërinë e dy oficerëve të policisë në momentin që ka marrë mesazhin, ndërsa i dyshuari Vladimir Gjuta ka qenë i lokalizuar brenda Tiranës.
Përmbajtja e mesazhit të datës 9 maj ka qenë pak a shumë kjo: “Nëse merresh me familjen Gjuta, do ta pësosh”.
Në një lokal në pronësi të Gjutës, policia ushtroi kontroll dy netë më parë. Gjuta dyshohet edhe si organizator e autor i shpërthimit në farmacinë e babait të Tahirit.
