Saga e dëmshpërblimeve për ish-të përndjekurit politikë do të mbyllet vitin e ardhshëm.
Lajmi është bërë i ditur nga Ministri i Mirëqënies Sociale Blendi Klosi gjatë raportimit të tij në Komision për buxhetin e vitit të ardhshëm që do të ketë institucioni që ai drejton.
Në fjalën e tij Klosi tha se janë rreth 2.400 ish-të përndjekur politikë që do të dëmshpërblehen me të gjitha këstet brenda vitit 2017. Po ashtu, Klosi shpjegoi projekt buxhetin e dikasterit të tij, i cili për vitin 2017 është planifikuar të jetë 146.39 miliardë lekë. Ministri nënvizoi se një zë të rëndësishëm përbëjnë edhe 164.730 personat me aftësi të kufizuara.
“Me pak buxhet më shumë se viti i kaluar do të realizohet mbështetja për ish-të përndjekurit duke përmbushur me domosdo brenda mandatit qeveritar likuidimin e 8 kësteve për të përndjekurit e gjallë nga regjimi i kaluar”, ka deklaruar Klosi./express/a.k
