19.00/ Dy negociatorët e Bashkimit Evropian vijojnë përpjekjet për gjetjen e një kompromisi që do t’i jepte fund bojkotit të opozitës. Pas takimeve që Fleckenstein dhe McAllister zhvilluan fillimisht me Ramën e Metën, e më pas me Bashën, pritet të zhvillojnë sërish takime veçmas.
Takimet do të zhviollohen paraleliesht te Pallati i Kongreseve midis Ramës e Fleckenstein, si dhe midis Bashës dhe McAllister. Nëse ka dakordësi, pritet që të mbahet më pas edhe një takim Rama-Basha në praninë e negociatorëve të BE.
***
Ka përfunduar pas rreth 90 minutash takimi i negociatorëve të PE me Lulzim Bashën.
Takimi pasoi pas atij me Ramën dhe Metën ndërsa McAllister dhe Fleckenstein pritet të bëjnë të ditur detajet mbrëmjen e sotme.
Mësohet se dy të dërguarit nga PE do të mbajnë një konferencë të përbashkët për shtyp mbrëmjen e së martës në Tiranë.
***
Europarlamentarët Knut Fleckenstein dhe David McAllister kanë nisur zyrtarisht vizitën në Tiranë për të ndërmjetësuar zgjidhjen e krizës politike.
Takimi i parë i dy zyrtarëve të BE u mbajt me kryeministrin Edi Rama dhe kryeparlamentarin Ilir Meta te kryesia e Kuvendit.
Takimi nisi në orën 15.00 dhe zgjati rreth 1 orë.
Mësohet se në këtë takim Fleckenstein dhe McAlister kanë paraqitur edhe një platofrmë me disa pika për zgjidhjen e ngërçit.
Më pas, dy zyrtarët e BE iu drejtuan selisë së Partisë Demokratike ku u takuan me kreun e kësaj force Lulzim Basha.
Perditesim: Kampet politike pranojne se po vazhdojne negociatat dhe se “po degjojme dhe po eksplorojme rruge te mundshme”. Ky formulim deshmon indirekt se negociatoret po perpiqen te hapin terren per nje pike-takimi mes dy paleve dhe se situata mund te jete me elastike sesa pasqyrohet ne qendrimet e ngurta te javeve te fundit.
Ndërkohë mësohet se Edi Rama e ka pranuar dokumentin e sjellë nga negociatorët. Ky dokument permban propozime qe lidhen me dakordesimin per kreun e shtetit, rolin e KQZ dhe caktimin e nje zv.drejtori policie qe do te merret me zgjedhjet.
***
/a.m.
