“Corriere dello Sport” ka bërë të ditur sot se Sampdoria po mendon të marrë sulmuesin e Shqipërisë, Armando Sadiku. Lojtari e mbylli sezonin me Vaduz, ku ishte i huazuar nga Zyrihu, i cili ka kartonin.
Vetë Sadiku dëshiron të luajë në Itali dhe Sampdoria mund t’ia bëjë realitet ëndrrën. Zyrihu ra në ligën e dytë në përfundim të kampionatit, por presidenti ka bërë të ditur se nuk ka në plan ta shesë sulmuesin shqiptar.
“Sadiku është lojtari ku do të mbështetemi për ringritjen e ekipit”, është shprehur pak ditë më parë presidenti i Zyrih.
Por në rast të një oferte të majme zor se zviceranët do të dilnin kundër dëshirës së lojtarit.
TCH/d.i.
