Sadije Berisha është ndër emrat më të lakuar në Shqipëri. Edhe pse ka zgjedhur ta jetojë jetën e saj jashtë fokusit mediatik, dashur pa dashur bëhet pjesë e “showbizz’-it shqiptar. Padyshim ka qenë kryefjala e javës, ku me anë të një statusi ka vendosur të flasë rreth një fenomeni shumë të përhapur në Shqipëri. U përfol se statusin ia kishte dedikuar të dashurës aktuale të Shkëlzenit, Arminës, por nuk ka qenë kështu në fakt. Me klasin që e karakterizon, Sadija ka vënë një status të gjatë në “Facebook”-un personal.
Ajo që në fakt duket si një përgjigje për Arminën, ka qenë një status krejt spontan. Sadija ka pranuar të tregojë për “Bluetooth”, të vërtetën rreth statusit shumë të fortë, vendosur disa ditë më herët.
“Unë thjeshtë shkrova në ‘Facebook’-un tim personal në lidhje me një situatë të përgjithshme, që të gjithë jemi të vetëdijshëm, por askush nuk flet rreth këtij fenomeni. Realisht nuk jam e interesuar të bëhem pjesë e lajmeve sa herë që unë flas në llogarinë time personale në ‘Facebook’”, ka përfunduar Sadija.
Statusi i Sadije Berishës:
“Vajzat 19-vjeçare adoleshente kanë ‘ambiciet’ e tyre për t’u bërë dashnore të burrave të martuar me fëmijë dhe disa të fillojnë karrierën e tyre si ‘vajza/ gruaja tjetër’, madje edhe më të vogla se kaq. Ky është për fat të keq një problem i zakonshëm në mesin e vajzave të reja në vendet post-komuniste si Shqipëria, Rumania etj.. Burrat me para dhe pushtet, shpesh përfitojnë nga vajzat e reja që jetojnë në varfëri duke u ofruar atyre një jetë me udhëtime gjatë fundjavës në hotele luksoze në vendet që ato mund t’i shohin vetëm në filma apo ëndrra. Dhuratat e shtrenjta, rrobat e dizenjuara, bëjnë që ato t’u shkaktojnë zili të gjithë vajzave me më ‘pak fat’ në lagjen e tyre. Mjerisht ato e shohin veten si model për vajzat e varfra me ëndrrat që dëshirojnë për të njëjtën ‘jetë përralle’, sikur të martoheshin me princin, hipur në ‘Mercedes’-in tij, duke e çuar jashtë për një jetë plot me ‘shopping’ dhe me para pa limit për dashnoren adoleshente dhe familja e saj është e varfër”, shkruante ndër të tjera Sadije Berisha në “Facebook”.
