Mbrëmjen e djeshme, Kiara Tito pa një klip ku kishte të përmbledhur disa informacione nga jashtë. Mes tyre ishin dhe disa tituj lajmesh ku thuhej se miqtë e moderatores janë kundër lidhjes së saj me Luiz Ejllin.
Lidhur me këtë ka reaguar miku i Kiarës, Niko Komani, i cili shprehet se është shumë pro lidhjes së saj dhe se këngëtari i njohur po e trajton si mbretëreshë.
“E konsideroj veten me fat që kam shoqe të ngushtë Kiarën dhe çdo ditë kemi mësuar nga njëri-tjetri për të arritur këtu ku jemi sot. Unë besoj te çdo ndjenjë e jotja dhe do jem gjithmonë pro ndjenjës tënde dhe kjo përkthehet pro Luizit. Ju vjen mirë apo keq ai tipi po e trajton atë shoqen time si mbretëreshë aty”, ka shkruar ai.
Niko nuk e ka lënë me kaq, pasi u ka kërkuar të gjithëve që të mos e përmendin më temën e Butrint Imerit.
“Dhe boll me atë muhabetin me këngëtarin tjetër se na lodhët. Siç thotë dhe një shoqja ime: Muhabet i mbyllur pa nisur. Fiks ama! Na keni lodhur me një muhabet të lodhur! Sa turp që një femër që ka dikë në krahë dhe është e lumtur dhe ju tregoni kë ka pasur dikur? Seriozisht?! Sa të kalbur jeni ore? Ju zgjoni dhe të vdekurin nga varri”, ka shtuar stilisti.
/e.d
