Një nga aleatët më besnikë të Vladimir Putinit ka pohuar se “Kalorësit e Apokalipsit kanë nisur rrugën e tyre”, teksa ai paralajmëroi SHBA-të që të mos furnizojnë Ukrainën me armë, shkruajnë mediat e huaja.
I njohur si aleati i Vladimir Putinit, Medvedev shihej më parë si më i moderuar se udhëheqësi rus, megjithëse ai ka mbajtur një qëndrim gjithnjë e më të ashpër gjatë viteve të fundit. Si nënkryetar i këshillit të sigurisë kombëtare të Rusisë, ai lëshoi një kërcënim ndaj Ukrainës dhe aleatëve të saj javën e kaluar.
Kjo deklaratë pason një paralajmërim të mëparshëm nga Medvedev, se Rusia ishte gati të zgjeronte operacionet e saj ushtarake nëse do të sulmohej nga raketat perëndimore të furnizuara në Ukrainë.
“Më pyesin shpesh pse postimet e mia në Telegram janë kaq të ashpra. Përgjigja është që i urrej. Ata janë të çuditshëm dhe të degjeneruar. Ata duan të zhdukin Rusinë. Dhe ndërsa unë jam gjallë, do të bëj gjithçka për t’i zhdukur.”
Në prill, ai shkroi një postim në Telegram duke justifikuar pushtimin e Ukrainës dhe duke bërë thirrje për zgjerimin e ndikimit rus në të gjithë Europën dhe Azinë.
Medvedv tha se “detyrat komplekse” të “çmilitarizimit dhe denazifikimit të Ukrainës” ishin qëllimet kryesore dhe se ato nuk do të vendoseshin vetëm “në fushën e betejës”.
“Të ndryshosh ndërgjegjen e përgjakshme dhe plot mite të rreme të një pjese të ukrainasve të sotëm është qëllimi më i rëndësishëm. Qëllimi është për hir të paqes së gjeneratave të ardhshme të vetë ukrainasve dhe mundësinë për të ndërtuar përfundimisht një Euroazi të hapur – nga Lisbona në Vladivostok”.
Qëndrimi gjithnjë e më i ashpër i Medvedev shihet si një thirrje për ushtrinë ruse, e cila më parë e shihte atë si tepër liberal. Kur u zgjodh president i Rusisë në vitin 2008 pasi Putini u detyrua të tërhiqej për shkak të kufizimeve të mandatit, ai dukej se i ofronte një vizion shumë të ndryshëm paraardhësit të tij.
“Liria është më e mirë se mos të qënit i lirë,” tha ai, ndërsa foli për “demokracinë e vërtetë” dhe shkurtimisht dukej se po kërkonte lidhje më të ngushta me Uashingtonin.
Por që nga pushtimi i Ukrainës, ai ka akuzuar Presidentin Zelensky dhe zyrtarë të tjerë ukrainas si nazistë dhe të varur nga droga. Megjithatë, ai nuk konsiderohet si një nga favoritët për të marrë detyrën nëse Putin, 69 vjeç, detyrohet të japë dorëheqjen.
Ish-këshilltari i Kremlinit Gleb Pavlovsky tha se Medvedev nuk ka “nuk ka shanse” të bëhet përsëri president.
“Ai nuk është një person popullor,” tha ai, duke iu referuar vlerësimeve të ulëta të miratimit të Medvedev gjatë tetë viteve të tij si kryeministër rus midis 2012 dhe 2020.
Ndërsa atmosfera e Moskës bëhet gjithnjë e më shtypëse, Medvedev mund të përpiqet të mbrohet nga akuzat për lidhje me politikanë dhe biznesmenë liberalë, sipas analistes politike Maria Snegovaya./abcnews
g.kosovari
