Sa shqiptarë jetojnë jashtë Shqipërisë?
Mbi 1.2 milionë shqiptarë jetojnë jashtë kufirit shtetëror të vendit. Këtë tregon një raport i “Pew Research Center” për origjinën dhe destinacionin e emigrantëve në botë nga vitet 1990-2013.
Për Shqipërinë raporti thotë se 570 mijë shqiptarë jetojnë në Greqi, kurse 450 mijë të tjerë në Itali. Në vend të tretë është SHBA me 80 mijë shqiptarë, dhe më pas Gjermania me 30 mijë.
Raporti thotë se në Itali dhe Greqi në vitet 1990 kishte vetëm nga 40 mijë shqiptarë përkatësisht, kurse në vitin 2000 shifra shkoi në 410 mijë në Itali dhe 270 mijë në Greqi.
Në 2010 thuhet se në Itali ishin 560 mijë emigrantë shqiptarë, kurse në Greqi 480 mijë. Kjo do të thotë se në tre vite numri i emigrantëve në Itali është rritur me 10 mijë, kurse në Greqi janë larguar 30 mijë shqiptarë.
