Një drejtues automjeti u prangos në flagrancë pasi gjatë testit të alkoolit rezultoi se drejtonte makinën i dehur.
Në videon e postuar nga Policia e Shtetit, duket polici i rrugores që ndalon makinën dhe i kërkon dokumentacionin drejtuesit.
Më pas, i kërkon të bëjë një test alkooli, i cili rezulton tej normave të lejuara, ndërkohë që testi i dytë, pak pas të parit, me përqindje edhe më të lartë alkooli.
Polici: Aty ku je ndalo, a mund të ndezësh pak bllokazhin e mjetit
Shoferi: Patjetër
Polici: Arsyeja e ndalimit, kontrolli i dokumentacionit
Polici: Kështu qenkeni shumë në rregull, edhe një test alkooli, të lutem për 3-4 sekonda fryji aparaturës pa shkëputje, vetëm do fryni, do nxirrni frymëmarrje
Polici: Fryji, fryji, fryji, vazhdoni. Të falënderoj, shohim edhe rezultatin, mundem? Këtu në prezencën tuaj. 0.73/mlg/litër
Polici: Zotëri do bëjmë edhe një test të dytë, i pari doli pak i lartë
Polici: Mos më dil nga mjeti të lutem sa të…
Qytetari 2: Sa doli i pari?
Polici: 0.73/mlg/litër i pari
Polici: Edhe një herë
Shoferi: Edhe një herë
Polici: Fryji…0.74 mlg/litër do të thotë është në rritje. do të shoqëroheni pranë komisariatit nr 2 për veprime të mëtejshme.
Policia njofton se gjatë 24 orëve të fundit në të gjithë territorin e vendit janë arrestuar 5 drejtues mjetesh, nga këta:
3 drejtues mjetesh në gjendje të dehur,
2 drejtues mjeti pa Leje Drejtimi.
Po në këtë kuadër janë pezulluar 46 Leje Drejtimi, nga të cilat:
5 Leje Drejtimi për drejtim mjeti nën efektet e alkoolit,
32 për shpejtësi tej normave të lejuara dhe parakalime të gabuara.
9 për semafor e shkelje të tjera.
Jane vendosur 283 masa administrative për mos vendosje të rripit të sigurimit.
289 masa për shpejtësi tej normave të lejuara dhe parakalime te gabuara.
Janë vendosur 33 masa për mos vendosje të kaskës mbrojtëse,
51 masa për përdorim të celularit gjatë drejtimit të automjetit.
Si dhe 1.114 masa për shkelje të ndryshme të Kodit Rrugor/panorama/a.k
