I fundit në rradhë është Ben Blushi. Jo për të marrë ndonjë post ministri, por për të nisur procesionin e vjetër të liderëve socialistë: atë të kontaktit me bazën e partisë! Kritikat e ashpra që deputeti i majtë ka pridhuar ndaj kreut të partisë së tij, kanë sjellë në skenë mundësinë që Blushi t’i japë fushatës së tij një formë më të organizuar, sesa ajo e kritikave spontane ndaj qeverisjes së Ramës. Dhe e para lëvizje që mediave i ka ardhur ndërmend këto orë, është e ajo e një turi individual të deputetit nëpër Shqipëri, për t’ju shpjeguar socialistëve të thjeshtë arsyet e qëndrimeve të tij.
Shumëkujt i kujtohen xhirot e mëdha nëpër Shqipëri të Fatos Nanos, herë për të luftuar në distaancë me Metën, herë për të kaluar mërzinë e të qenit jashtë ekzekutivit. A do të ndjekë edhe Ben Blushi të njëjtën trajektore? Gjithçka mund të ndodhë. Veçse është pak e pazakontë të marrësh një tur takimesh, thjesht për të thënë që Edi Rama po qeveris keq. E thënë kjo, Blushi ndodhet tashmë para një dileme që i tejkalon përmasat e një turi “drejt bazës”. Problemi i tij në këtë moment, është se çfarë do të bëjë me furtunën që ngriti brenda maxhorancës…
