Një ditë pas publikimit të video-skandalit ku një oficer i policisë gjyqësore pranë Prokurorisë së Tiranës mori 18 mijë euro ryshfet në emër të prokurorit Ardian Braho, ky i fundit ka reaguar duke mohuar lidhjen me këtë ngjarje.
Prokurori Braho deklaron se oficeri i Policisë Gjyqësore që shfaqet në video ka përdorur emrin e tij, dhe se ai nuk ka asnjë lidhje me ryshfetin.
Braho shprehet se nuk ka asnjë provë që e implikon atë në veprën e korrupsionit.
“Nuk kam lidhje me 18 mijë eurot. Nuk ka asnjë provë që më lidh me ngjarjen. Oficeri i policisë gjyqësore ka përdorur emrin tim”, ka thënë Braho./a.m.
