Rusët sërish novatorë. Sipas Al-xhazirës, autoritetet ruse do t’i shfrytëzojnë të burgosurit për të ulur shpenzimet rreth organizimit të Kampionatit Botëror, që do të mbahet në vitin 2018. Shërbimi i burgut të Rusisë po përkrah idenë deputetit Alexander Khinshtein, i cili ka kërkuar që të burgosurit të merren nga kampi i tyre dhe të dërgohen për të punuar në fabrika në mënyrë që të ulen shpenzimet e ndërtimit të materialeve të ndryshme për projektet që kanë të bëjnë me infrastrukturën e Kampionatit Botëror.
Të burgosurit rusë, sipas burimeve, nuk paguhen fare dhe janë të detyruar për të punuar me orar të zgjatur në kampet e tyre dhe kjo do të ishte edhe një pasqyrë e mirë për Rusinë, pasi të burgosurit do të merrnin paga minimale dhe kushtet e punës do t’i kishin më të mira.
