Mer fund odiseja e tij. Ish trajneri i përfaqësueses në Angli dhe ish-trajneri i Real Madridit, Fabio Capello nuk është më selektor i Rusisë. Federata e Futbollit e Rusisë ka bërë të ditur se ka arritur marrëveshje me Fabio Capellon për ndërprerjen e bashkëpunimit pas rezultateve të dobëta për kualifikimin në Euro 2016.
Capello, i cili dërgoi Anglinë në Kupën e Botës në 2010, mori timonin Rusisë në korrik të vitit 2012 dhe kishte zgjatur kontratën e tij deri në fund të 2018-ës, ndërsa shkëputja e njëanshme e kontratës do t’i kushtonte rusëve 25 milion euro. Rusia gjendet e treta në Grupin G me vetëm tetë pikë të grumbulluara nga gjashtë ndeshje, ndërsa humbja e fundit ishte në shtëpi nga Austria. Mësohet se palët janë pranë marrëveshjes dhe se Capello do të pajtohet me shkëputjen e kontratës që i skadon pas përfundimit të kampionatit botëror “Rusia 2018”.
Capelo 69-vjeçar, kohët e fundit ka marrë kritika të shumta për rezultatet e dobëta të Përfaqësueses së Rusisë. Po ashtu vitin e shkuar në kampionatin botëror “Brazili 2014”,
Rusia u eliminua në fazën e grupeve. Capello është në krye të Përfaqësueses së Rusisë prej vitit 2012 dhe është njëri prej seleksionuesve më të paguar, me pagë vjetore prej shtatë milionë eurosh…
