Presidenti i Ukrainës, Volodymyr Zelensky, ka reaguar pas sulmeve ruse pas një armëpushimi të supozuar, të urdhëruar nga presidenti rus Vladimir Putin për kremtimin e Krishtlindjeve ortodokse.
Presidenti ukrainas e ka konsideruar armëpushimin të rremë, ndërsa thekson se vetëm dëbimi i forcave ruse nga toka ukrainase do të nënkuptojnë rivendosjen e sigurisë dhe paqes.
“Bota ishte edhe një herë në gjendje të shihte sot se si fjalë të rreme të çdo niveli po vinin nga Moska. Rusët kanë folur për një armëpushim të supozuar, por realiteti është se plumbat rusë goditën përsëri Bakhmutin dhe vendet e tjera të Ukrainës. Vetëm dëbimi i pushtuesit nga toka ukrainase do të nënkuptojnë rivendosjen e sigurisë dhe paqes”, u shpreh Zelensky.
Sulmet erdhën pasi SHBA njoftoi se do t’i dërgonte Ukrainës 3.75 miliardë dollarë të tjera armë dhe ndihma të tjera, duke përfshirë një ngarkesë të parë të automjeteve të blinduara.
Zelensky ka falënderuar Shtetet e Bashkuara të Amerikës për paketën e re të ndihmës ushtarake për vendin e tij, duke thënë kjo ta forcojnë ushtrinë ukrainase në fushëbetejë.
“Një dhuratë e mrekullueshme për Krishtlindje për Ukrainën. Për herë të parë, ne do të marrim automjete të blinduara Bradleys, kjo është pikërisht ajo që nevojitet”, shkroi ai në Twitter.
/a.r
