Rusia ka premtuar se do të jap përgjigjen e tyre pasi SHBA i ka dëbuar 35 diplomatë të saj nga Washingtoni. Presidenti Obama kishte kërkuar dëbimin e tyre pasi u vërtetua se rusët kishin ndërhyrë në zgjedhjet presidenciale në SHBA.
Një zëdhënës i presidentit, Vladimir Putin ka thënë se reagimi i Kremlinit do të shkaktonte “siklet të konsiderueshëm” në SHBA, njofton BBC, transmeton Gazeta Express.
Megjithatë, ai la të kuptohet se Rusia mund të presë për reagim deri sa ta marrë postin e presidentit Donald Trump, i cili ka hedhur poshtë pretendimet për ndërhyrje.
Të enjten, Departamenti i Shtetit amerikan ka kërkuar dëbimin e 35 diplomatëve rusë nga ambasada në Washington dhe Konsullata në San Francisko, të cilëve u dha 72 orë për ta lënë SHBA’në, citohet ”GazetaExpress”. (b.an)
