SHKUP- Rusia nuk do të njohë emrin e ri të Maqedonisë, pas marrëveshjes mes Athinës dhe Shkupit. Lajmi bëhet me dije nga ambasada e Rusisë në Shkup përmes një postimi në Twitter.
Sipas ambasadës, Rusia e ka njohur Republikën e Maqedonisë me emrin e saj kushtetues para 26 vjetësh.
“Rusia e ka njohur Republikën e Maqedonisë me emrin e saj kushtetues më shumë se para 26 vjetësh dhe nuk do ta ndryshoje qëndrimin e saj. Ndërhyrja e tepruar e SHBA dhe BE në çështjet e brendshme të Maqedonisë tejkalon të gjitha kufijtë e ministrive të Punëve të Jashtme. ”, thuhet në profilin e ambasadës ruse në Shkup.
Kujtojmë se dy ditë më parë Kuvendi i Maqedonisë ka miratuar me 80 vota pro nismën për ndryshimet kushtetuese duke i hapur rrugë ndryshimit të emrit nga Republika e Maqedonisë në Republika e Maqedonisë së Veriut.
a.ç
