Pasi videos së Presidentit të Francës Emmanuel Macron teksa goditej nga bashkëshortja u bë virale, Kremlini pati një reagim ironizues.
Zëdhënësja e Ministrisë së Jashtme ruse, ka shkruar në Telegram: “Macron mori një shuplakë të mirë nga e shoqja, sapo çifti mbërriti në Hanoi. Zonja e Parë vendosi ta përkëdhelte bashkëshortin e saj me një shuplakë dhe nuk e llogariti dot forcën e saj? Po i jepte një pecetë dhe nuk ia doli dot? Donte t’i rregullonte kravatën dhe përfundoi me dorën te fytyra e të dashurit të saj? Ja një aludim: Mbase ishte dora e Kremlinit.”
Por, vetë Presidenti Macron pasi videoja “mori dhenë” pati një reagim, ku tha se nuk ishte një shuplakë, apo sherr mes çiftit, por vetë një shaka. Shaka që sipas tij çifti i bën shpesh.
