Holanda është “përkushtuar fort” për t’i dhënë fund importit të naftës dhe gazit rus deri në fund të vitit, tha të premten ministri holandez për politikën klimatike dhe energjetike, Rob Jetten.
Qeveria holandeze do të subvencionojë kompanitë e energjisë për të mbushur objektin e saj të magazinimit të gazit në Bergermeer deri në 70% deri në fund të vitit, tha të premten për CNN zëdhënësi i Ministrisë së Çështjeve Ekonomike dhe Politikës Klimatike Pieter ten Bruggencate.
Subvencionet ishin të nevojshme si një nxitje për të importuar gaz në nivelet aktuale të çmimeve, tha ten Bruggencate, duke shtuar se Holanda do të vërë në dispozicion rreth 623,000,000 euro (rreth 672,000,000 dollarë).
Firma shtetërore e energjisë Energie Beheer Nederland do të plotësonte kapacitetin e mbetur nëse programi i subvencionimit nuk rezulton i mjaftueshëm, shtoi ten Bruggencate.
/b.h
